Tutti l’anni, par a festa di a lingua corsa in Aiacciu, un’azzioni si faci in partinariatu incù l’Iducazioni Naziunali. Quist’annu, u tema sceltu fù i 300 anni di a nascità di Pasquale Paoli.
4 classi di u primariu è 2 di sesta ani participatu à stu prughjettu purtatu da u Sirviziu LCC da u mesi di ghjinnaghju sin’à u mesi di maghju.
Ogni mesi, Jean pierre Massoni hè andatu in i 6 classi di manera à amparà i mumenti impurtanti di a vita di u « Babbu di a Patria » à i 150 sculari.
U 16 di maghju, un’accolta di tutti i classi si feci à u cinema Litizia. Ringraziemu ancu à Petru D’orazio, anzianu prufissori di storia, vinutu pà parlacci di a vita di u « Ghjinirali di a Nazioni Corsa ».
Dopu, i sculari ani pussutu fighjulà 2 filmetti impristati da u Museu di Merusaglia è u filmu di Rinatu Frassati : « Les éxilés »… Sempri in lingua corsa !
