U sirviziu lingua è cultura corsa di a Cità d’Aiacciu è i zitelli di a casa di quartieru di i canni si sò ritrovi annant’à u situ di i Milelli pà sparta una stonda di storia è di scuparta di a natura.
Jean Pierre è Olivier, l’animatori di u sirviziu LCC ani fattu scopra à i zitelli a leia trà u situ di i Milelli è Napuliò. Ani parlatu di storia ritracendu à l’ingrossu ciò ch’ella stata a vita di Napuliò, i so vittorii militari, i so scunfitti è a lascita ch’ellu hà fattu à a sucità. Dopu ani ghjucatu incù u picculu quiz da veda ciò ch’elli aviini ritinutu i zitelli annant’à Napuliò.
Ani prufittatu di u fattu d’essa annant’à u situ di i Milelli pà fà scopra l’ortu di u CPIE è i so ricchezzi. I zitelli ani scupartu u nomu di parechji frutti è ligumi, i staghjoni di punera, di racolta è u travagliu da fà in ortu ogni ghjornu.
Infini, pà compia stu dopu meziornu, tutti i zitelli ani fattu u ghjiru di l’arburetu è scuparta u nomu corsu di tutti l’arburi è animali di u situ.
Zitelli è animatori (Angelique, Cyrielle, Jean pierre è Olivier) erani felici di sta stonda di spartera è di scuparta d’una passata di prima trinca di a storia aiaccina…in lingua corsa !
