In i ciucciaghji municipali, hè ghjunta l’ora di fistà a fine di l’annata.
Sta mani, i zitelli è i parenti di a ciucciaghja « i puppunelli » in i Salini ani fistatu a fini di l’annata incù balli è canzoni in lingua corsa amparati à longu à l’annu incù Monique Santoni di u Sirviziu LCC di a Cità d’Aiacciu.
Dopu, a dirittrici è tuttu u parsunali di a ciucciaghja ani uffertu una bienda è un canistrellu à tutti quelli ch’erani prisenti.
Ringraziemu tutti quelli ch’ani participatu à stu bellu scontru da fà veda ciò ch’ellu hè u bagnu linguisticu in i ciucciaghji municipali.
