Un prughjettu d’animazioni tiatrali hè statu prupostu à i zitelli di u tempu perisculari.
U scopu hè di prupona attività culturali à i zitelli ch’ùn rientrini micca à meziornu pà manghjà in casa soia.
U sirviziu LCC è quellu di a Cità Iducativa di a Cità d’Aiacciu ani dumandatu à l’artistu Petru Squarcini di travaglià annant’à l’adattazioni di « Le malade imaginaire » fatta da Ghjuvan Federicu Terrazzoni : U fintu malatu (Parti des oiseaux)
U spartitemptu :
- Da sittembri sin’à dicembri di u 2026 : cù i zitelli di u perisculari di a classa di Madama De Franchi (scola Victor Hugo)
- Da ghjinnaghju sin’à marzu di u 2027 : cù i zitelli di u perisculari di a classa di Madama Vincileoni (scola Victor Hugo)
- Da marzu sin’à ghjugnu di u 2027 : cù tutti i zitelli di u ciculu 3 scritti à u perisculari di a scola di Mezavia
U finanzamentu :
I dui animazioni di a scola Victor Hugo ani avutu un finanzamentu di u Statu pà a pulitica di a Cità è l’animazioni di a scola di Mezavia hè stata finanzata da u sirviziu di a Midiazioni Culturali di a Cità d’Aiacciu.
U scopu :
Pà ogni trimestru, Petru Squarcini hà privistu di falli fà 12 seduti di travagliu è una ultima pà a ristituzioni in a scola.
Sapendu ch’una scinetta sfratenti sarà travagliata à ogni trimestru, si spera di pudè prugramà una ristituzioni cù tutti i zitelli annant’à una scena prufissiunali nanzu à a fini di u mesi di ghjugnu.
