U sirviziu LCC di a Cità d’Aiacciu hà invitatu u cantadori Felì à scuntrà i zitelli di i dui centri d’asgiu di u quartieru Candia.
Ringraziemu u travagliu d’amparera fattu dipoi u mesi di sittembri da Dumè, Jessica, Marie, Melanie, Sophie, Tatiane, Véro, Antò, David, Lucas et Willy (animatori di i centri) è di Marie Noelle è Monique (sirviziu LCC).
Felì hè vinutu cù Laure (cantu) è Sarah (viulinu). Tutti à trè, ani sunatu è cantatu cù i tutti i zitelli è l’animatori ch’ani furmatu è amparatu i canzoni à sti giovani. Circhendu bè, si dici ch’ellu ci era ancu « Puppeppu »…
Dopu à quelli di « Scola in festa », Felì hà cantatu i canzoni di Natali cù i zitelli.
Fù una billissima stonda pà tuttu u mondu è ringraziemu tutti quelli chì ci ani participatu da pudella fà campà.
