Una volta à a sittimana, da u mesi d’uttrovi sin’à u mesi di ghjugnu, u sirviziu LCC di a Cità d’Aiacciu pruponi un’ animazioni in lingua corsa à u publicu di u CIAS è di u Centru Suciali di i salini.
Sò parechji anni avà chì u Sirviziu LCC di a Cità d’Aiacciu pruponi un attellu di discursata fattu par i parsoni anziani.
Hè cusì chì Jean pierre Massoni và u ghjovi a mani à u CIAS è u vennari in u dopu meziornu à u Centru Suciali di i salini.
Innanzu à a statina, ghjovi passatu fù l’ultimu scontru di l’annata cù a prumessa sicura di ritruvassi à a riintrata….sempri in lingua corsa !
